Rustavidə kimya müəssisəsində işçi ölüb

Rustavidə kimya müəssisəsi olan “Emen Chemical Georgia” MMC-nin müəssisəsində fəhlə ölüb.

InterPress.ge xəbər verir ki, müəssisədə manqan yığan bunker ağırlığa tab gətirə bilməyib, dağılıb və onun altında dayanan 50 yaşlarında kişi manqanın altında qalıb.

İşçi yerindəcə dünyasını dəyişib.

Daxili İşlər Nazirliyindən verilən məlumata görə, hadisə ilə bağlı Cinayət Məcəlləsinin mədən tikintisi və ya digər işlərin görülməsi zamanı təhlükəsizlik qaydalarını pozma, nəticədə insan itkisinə səbəb olan 240-cı maddəsi ilə istintaq başlanılıb.