Vahid Milli Hərəkat daxili işlər nazirini sorğu-sual üçün parlamentə çağırır

“Vahid Milli Hərəkat” Şovi faciəsi ilə bağlı daxili işlər naziri Vaxtanq Qomelaurini sorğu-sual üçün parlamentə çağırır.

InterPress.ge xəbər verir ki, bu barədə “Milli Hərəkat” partiyasının yaydığı məlumatda deyilir.

Məlumatda qeyd edilib ki, “Vahid Milli Hərəkat” parlament fraksiyasının sədri Tina Bokuçava artıq qanunverici orqanda sənədi qeydiyyatdan keçirib.

Bildirilib ki, Şovidə baş verən faciə ilə bağlı “Vahid Milli Hərəkat”ın daxili işlər nazirinə sualları var.