Anna Fotiqa: “Mixail Saakaşvilinin səhhəti pisləşir”

“Gürcüstanın üçüncü prezidenti Mixeil Saakaşvilinin səhhətinin vəziyyəti getdikcə pisləşir”.

InterPress.ge xəbər verir ki, bu barədə Avropa parlamentarisi, Polşanın keçmiş xarici işlər naziri Anna Fotiqa yazır.

Avropalı deputatın sözlərinə görə, bunu müstəqil həkimlərin Mixeil Saakaşviliyə son səfəri bir daha təsdiqləyib.

"Gürcüstan prezidenti Mixail Saakaşvilinin anası Giuli Alasaniya ilə çox emosional söhbət etdim. Müstəqil həkimlərin son səfəri yalnız hamımıza görünən şeyi təsdiqlədi: onun səhhəti pisləşir. Belə bir xəbəri eşitmək çox kədərlidir. Bir daha vurğulayıram: bu vəziyyəti çox gec olmadan dəyişməyin bir çox yolu və səbəbləri var, o cümlədən humanitar səbəblər”, - Avropa Parlamentinin deputatı yazıb.