İrakli Qaribaşvili ABŞ səfiri ilə görüşüb

Gürcüstanın baş naziri ABŞ səfiri Kelli Deqnan ilə görüşüb.

 InterPress.ge xəbər verir ki, bu barədə  hökumət administrasiyası məlumat yayıb və görüşün vida xarakterli oıduğunu bildirib.

Məlumata görə, görüş zamanı tərəflər Gürcüstan və ABŞ arasında strateji tərəfdaşlığın əhəmiyyətini vurğulayıb və əməkdaşlığın prioritet gündəliyini nəzərdən keçirib.

"Hökumət başçısı ABŞ səfirinə işinə görə təşəkkür edib və ona uğurlar arzulayıb. ABŞ səfirliyinin iqtisadiyyat şöbəsinin rəhbəri Cin Foster hökumət administrasiyasında keçirilən görüşdə iştirak edib", - hökumət administrasiyası yazıb.