26-cı mərtəbədən yıxılan kişi dünyasını dəyişdi

Batumidə əcnəbi vətəndaş “Orbi City” otelinin 26-cı mərtəbəsindən yıxılıb.

lnterPress.ge xəbər verir ki, yerli KİV-in məlumatına görə, hadisə səhər saat 8 radələrində baş verib.

Təcili Tibbi Yardım Mərkəzindən verilən məlumata görə, təcili yardım briqadası hadisə yerinə gələn zaman kişini ölü vəziyyətdə tapıblar. Hadisə yerində polis və məhkəmə-tibb ekspertləri işləyir.

Daxili İşlər Nazirliyinin mətbuat xidmətindən verilən məlumata görə, faktla bağlı araşdırmalara başlanılıb.