Kobuleti-Batumi birləşdirən yolda baş verən yol-nəqliyyat hadisəsi nəticəsində 3 nəfər ölüb.
InterPress.ge xəbər verir ki, yol-nəqliyyat hadisəsi zamanı minik avtomobili ilə yük maşını toqquşub.
Yerli sakinlərin sözlərinə görə, ölənlər yüngül avtomobildə əyləşən Türkiyə vətəndaşları olub.
Hadisə ilə əlaqədar təcili tibbi yardım briqadası və hüquq-mühafizə orqanlarının əməkdaşları hadisə yerinə səfərbər edilib. Faktla bağlı araşdırma aparılır.
