Sürücülərin nəzərinə! Bu yolda bütün növ avtonəqliyyat vasitələrinin hərəkəti məhdudlaşdırılıb

Beynəlxalq əhəmiyyətli Samtredia-Lançxuti-Qriqoleti avtomobil yolunun 40-cı və 56-cı km-də intensiv yağıntı ilə əlaqədar Lesi çayının suyunun daşması nəticəsində bütün növ avtonəqliyyat vasitələrinin hərəkəti müvəqqəti olaraq qadağan edilib.

InterPress.ge xəbər verir ki, məlumatı Avtomobil Yolları Departamenti yayıb.

Bildirilib ki, sözügedən hissədə suyun səviyyəsi enən kimi dərhal təmizlik işlərinə başlanılacaq ki, nəqliyyatın hərəkəti ən qısa zamanda bərpa olunsun.

Hərəkətin qadağan olunduğu müddətdə avtomobillər beynəlxalq əhəmiyyətli Senaki-Poti (Asakembi)-Sarpi avtomobil yolunda hərəkət edəcək.