İrakli Ğaribaşvili: "Əhəmiyyətli irəliləyişimizə cavab olaraq bu il Aİ-yə namizəd statusu gözləyirik"

Gürcüstanın baş naziri İrakli Ğaribaşvili Avropa İttifaqının ali nümayəndəsi Cozef Borrell ilə görüşü barədə məlumat yayıb.

InterPress.ge xəbər verir ki, o, bu barədə tvitterdə yazıb.

“Aİ-nin ali nümayəndəsi Cozef Borrell ilə məhsuldar görüş keçirdim. Biz Gürcüstanın Avropaya inteqrasiya yolunda əldə etdiyi nailiyyətləri və 12 prioritetin yerinə yetirilməsində uğurlarımızı müzakirə etdik. Əhəmiyyətli irəliləyişimizə cavab olaraq, bu il Aİ-yə namizəd statusunu gözləyirik. Gürcüstan Avropadır!” – deyə baş nazir yazıb.