20 məhkum Kutaisi 2-ci Cəzaçəkmə Müəssisəsindən “Vivamed” klinikasına köçürülüb

Vəkil Ledi Tukvadze deyib ki, Kutaisi 2-ci cəzaçəkmə müəssisəsindən 20 məhbus müalicə olunmaq üçün “Vivamed” klinikasına köçürülüb.

InterPress.ge xəbər verir ki, hüquq müdafiəçisi bu gün səhər saatlarında Kutaisi həbsxanasında olub.

Onun sözlərinə görə, aksiya 5 kamerada başlayıb, məhbuslar diqqəti cəlb etmək üçün özlərinə xəsarət yetiriblər.

Onlar keyfiyyətsiz qidaya, administrasiyanın qeyri-insani rəftarına və tibbi yardımın olmamasına etiraz ediblər. Vəkilin sözlərinə görə, məhz bu etirazdan sonra 20 məhbus klinikaya aparılıb. 

Dünən vəkillər Kutaisi həbsxanasında onlarla məhbusun özünə zərər verməsi barədə məlumat yayıblar . Penitensiar xidmət vəkillərin yaydığı məlumatı təkzib edib.