Dövlət Kaxetidə təbii fəlakətdən zərər çəkən insanlara yardım edəcək

Baş nazirin qərarına əsasən, dövlət Kaxetidə təbii fəlakətdən zərər çəkən insanlara kompensasiya ödəyəcək. 

InterPress.ge xəbər verir ki, bu barədə hökumət administrasiyası məlumat yayıb.

Qurumun məlumatına görə, ötən gecə güclü dolu Kaxeti bölgəsinə növbəti dəfə ziyan vurub. Güclü dolu və külək nəticəsində Telavi, Ğvareli və Laqodexi bələdiyyələri zərər çəkib.

Kaxeti bölgəsi üzrə dövlət nümayəndəsi Giorgi Aladaşvilinin sözlərinə görə, təbii fəlakət həm təsərrüfat sahələrinə, həm də yaşayış evlərinə ziyan vurub. Dövlət itkiləri hesabladıqdan sonra baş nazirin qərarı ilə zərərçəkmiş əhaliyə yardım edəcək.