Azərbaycan Prezident Administrasiyası erməniləri ağ bayraq qaldırmağa və silahlarını təslim etməyə çağırır

"Antiterror tədbirlərini dayandırmaq üçün erməni silahlı dəstələri silahlarını təhvil verməlidirlər, əks halda antiterror tədbirləri sona qədər davam edəcək"

InterPress. ge xəbər verir ki, bu barədə Azərbaycan Prezidentinin administrasiyası bəyanat yayıb. 
 

"Ermənistanın Azərbaycan ərazisində yaratdığı və dəstəklədiyi qeyri-qanuni rejimlə “danışıqlara başlamaq” çağırışı ilə əlaqədar Azərbaycan Respublikası Prezidentinin Administrasiyası xəbər verir ki, Azərbaycan Respublikası Prezidentinin Administrasiyası reinteqrasiya məsələlərini müzakirə etmək üçün bir neçə dəfə Azərbaycanın Qarabağ bölgəsində yaşayan erməni əhalisinin nümayəndələrini dialoqa dəvət etmişdir. Ancaq hər dəfəsində bundan imtina ediblər.

Azərbaycan Respublikası Prezidentinin Administrasiyası Azərbaycanın Qarabağ bölgəsində yaşayan erməni əhalinin nümayəndələrini Yevlaxda qarşılamağa hazır olduğunu bildirir. Lakin antiterror tədbirlərini dayandırmaq üçün qanunsuz erməni silahlı birləşmələri ağ bayraq qaldırmalı, bütün silahlarını təhvil verməli, qanunsuz rejim çökməlidir. Əks halda, antiterror tədbirləri sona qədər davam edəcək”, - deyə məlumatda bildirilir.