Gürcüstan prezidenti: “Natia Turnava öz vəsifəsindən istefa verməlidir”

Gürcüstan prezidenti Salome Zurabişvilinin sözlərinə görə, Milli Bankın direktoru vəzifəsini icra edən Natia Turnava istefa verməlidir.

InterPress.ge xəbər verir ki, prezident bu barədə brifinqdə bildirib və əlavə edib ki, Turnavanın təyinatı ilə bağlı verilən qərardan təəssüflənir.

“Deməliyəm ki, qərarımdan çox peşmanam və buna görə üzr istəyirəm. Əgər o, baş tutmalı olan bugünkü görüşümüzü təxirə salmasaydı, növbəti addımların necə olması ilə bağlı fikirlərimi şəxsən ona çatdırardım. İlk növbədə, prezident səlahiyyətlərini icra edərkən Milli Bankın müstəqilliyini qoruya bilməyən, əksinə, bu prinsipə xələl gətirən şəxs istefa verməlidir”, - Zurabişvili bildirib.