Türk lirəsi ABŞ dolları qarşısında tarixin ən aşağı həddinə çatıb

Çərşənbə axşamı türk lirəsi ABŞ dolları qarşısında tarixin ən aşağı həddinə çatıb.

InterPress.ge xəbər verir ki, bu barədə Türkiyə mətbuatı ticarət məlumatlarına əsaslanaraq yazıb.

İlkin olaraq dollar türk lirəsi qarşısında 0,14% artaraq 27,2176 lirə təşkil etsə də, qısa müddətdə vəziyyət dəyişib və 1 ABŞ dollarının dəyəri 27,5155 lirə olub.

Bundan əvvəl Türkiyə Mərkəzi Bankı yüksək inflyasiya proqnozu dəyişməyincə pul siyasətini mərhələli şəkildə sərtləşdirməyə davam edəcəyini açıqlamışdı.

Avqustun 24-də tənzimləyici uçot dərəcəsini 17,5%-dən 25%-ə yüksəldib. Daha sonra bu qərar fonunda lirə bir qədər möhkəmlənib və 1 ABŞ dollarının dəyəri 26,6 lirə olub.