11 
Okt
2023
21:40
1434

Prokuror: "Aytac Şahmarovanın evlənməyə məcbur edilməsinin təşkilatçısı anası olub"

“ Saqarecoda qətlə yetirilən 14 yaşlı qız Aytac Şahmarovanın zorla evləndirilməsinin təşkilatçısı ana olub, çünki anasının planı əsasında qız zorla istəmədiyi şəxslə yaşamalı olub”

InterPress.ge xəbər verir ki, bunu Kvemo Kartli rayon prokuroru Xatia Qoqriçiani bildirib.

Onun öz qiymətləndirməsinə görə, qızın ölümündə birbaşa məsuliyyət daşıyan şəxs anadır.

“Bugünkü məhkəmə prosesində ittiham tərəfi hər iki təqsirləndirilən şəxsə, həm anası, həm də mərhum qızın dayısına qarşı həbs qətimkan tədbiri seçilməsini tələb edir. Bildiyiniz kimi, artıq məhkəməyə belə bir müraciətimiz olub. İlkin olaraq həm dayı, həm də ana haqqında həbs tədbiri ilə bağlı müvafiq qərardad çıxarılmasını xahiş etdik, baxmayaraq ki, Rustavi Şəhər Məhkəməsi ananın belə vəsatətini təmin etməsə də, ittiham tərəfinin mövqeyi dəyişməyib və bugünkü iclasda mühakimə zamanı prokurorluq ananın həbsdə olmasının səbəblərini yenidən əsaslandıracaq. İttiham tərəfi bütün faktları və sübutları, ananın niyə həbs edilməsi lazım olduğu arqumentlərini təqdim edəcək. Çünki, belə desək, ana əslində cinayətin təşkilatçısı olub. Onun planına əsasən, qız istəmədiyi şəxs ilə birgə yaşayıb. Buna görə də hesab edirik ki, günahsız qızın ölümünə səbəb ananın özüdür.

Məhkəmənin əsaslandırmasına diqqət yetirməyəcəm, baxmayaraq ki, indiki mərhələdə yeni cinayət törətmək və ananı həbs etmək o dərəcədə sübutları məhv etmək təhdidlərinin olmaması zəruri hesab edildi. Təqsirləndirilən şəxslərin dairəsinin genişlənməsinə gəlincə, bu cinayət işi üzrə istintaq-əməliyyat tədbirləri fəal şəkildə davam etdirilir və digər şəxslərin də təqsiri sübuta yetirilərsə, ittiham tərəfi mütləq qanunda nəzərdə tutulmuş ən sərt tədbirləri görəcəkdir.

 

Cinayət işi azyaşlı ilə bağlı olduğundan mən bütün detalları danışa bilmirəm. Ana qızından yaşca çox böyük olan şəxsi bəyənib və  öz planı əsasında onunla qızını nişanlayıb. Sonra qaçırılan qızı onu köməyə çağırıb onu qaytarmasını istəyəndə qızını qaçıran şəxsə  geri qaytaran ananın özü olub”, - Xatia Qoqriçiani bildirib.

 

 

Bizimlə əlaqə saxlayın