Ombudsman aparatı 14 yaşlı Aytac Şahmanovanın qətli ilə bağlı monitorinqi sona qədər davam etdirəcək

Ombudsman aparatı 14 yaşlı Aytac Şahmanovanın qətli ilə bağlı monitorinqi sona qədər davam etdirəcək.

InterPress.ge xəbər verir ki, bu barədə Xalq müdafiəçisi Levan İoseliani açıqlama verib.

“Ombudsman aparatı ilk dəqiqələrdən bu məsələ ilə məşğul olub, biz müvafiq açıqlama da vermişik. İlk dəqiqələrdən aidiyyatı qurumlarla işlədik və işləməkdə davam edirik. Bu, Ombudsman aparatı üçün prinsipial əhəmiyyət kəsb edən məsələdir. Təbii ki, bu məsələni sona qədər izləməyə və ictimaiyyətə ətraflı məlumat verməyə davam edəcəyik”, - İoseliani bildirib.