"Milli Hərəkat” Tbilisi Şəhər Şurasına boykot elan etdi

“Milli Hərəkat” Tbilisi Şəhər Şurasına boykot elan edib.

InterPress.ge xəbər verir ki, bu barədə brifinqdə Şəhər Şurasının “Vahid Milli Hərəkat” fraksiyasının sədri İrakli Nadiradze məlumat verib.

Nadiradze “Milli Hərəkat”ın üzvü İrakli Edzveradzeyə hücumdan danışıb və günahkarların cəzalandırılmasını tələb edib.

Onun sözlərinə görə, “Vahid Milli Hərəkat” etiraz əlaməti olaraq bu gün Şəhər Şurasının sessiyasına daxil olmayacaq.

Bundan əlavə, Nadiradze prokurorluğa müraciət edərək, asanlıqla müəyyən oluna bilən və hələ də cəzasız qalan şəxslərin cəzalandırılmasını tələb edib.