Sergey Lavrov: "Gürcüstanın indiki hakimiyyətinin bütün hərəkətləri milli maraqlara söykənir"

"Hamı razıdır ki, “3+3” formatının qapısı Gürcüstan üçün açıqdır. Biz başa düşürük ki, Gürcüstan hökuməti niyə “altılığa” qoşulmaqdan çəkinir”.

InterPress.ge xəbər verir ki, bunu Rusiyanın xarici işlər naziri Sergey Lavrov Tehranda deyib.

“Biz Tbilisinin gələcəkdə bu qərarı vermək şansını özündə saxlaması faktını yüksək qiymətləndiririk. Hər halda Gürcüstanın indiki hakimiyyətinin bütün hərəkətləri milli maraqlara söykənir və bu, dəfələrlə sübuta yetirilib. Bu, yaxın gələcəkdə “3+3” formatının tam formalaşacağına inanmağa imkan verir”, - deyə Lavrov bildirib.

Məlumat üçün bildirək ki, dünən Tehranda keçirilən “3+3” formatlı görüşdə Gürcüstan nümayəndə heyəti iştirak etməyib.