Rustavidə gənclər arasında qarşıdurma baş verib

Rustavinin mərkəzi küçəsində dava düşüb.

InterPress.ge-nin məlumatına görə, Mesxişvili küçəsində, kafelərdən birinin və yanacaqdoldurma məntəqəsinin yaxınlığında bir neçə gənc arasında şifahi mübahisə baş verib və tezliklə fiziki qarşıdurmaya çevrilib.

Hadisə yerinə bir neçə patrul və kriminal polis briqadası səfərbər olunub.

Hüquq-mühafizə orqanları gəncləri sakit olmağa çağırsalar da, patrul polisi ilə də qarşıdurma baş verib.

Məlumata görə, gənclərdən biri polis əməkdaşlarını şifahi təhqir edib, hüquq-mühafizə orqanlarının əməkdaşları həmin şəxsi yerindəcə inzibati qaydada saxlayıblar.