Gələn ildən etibarən Anaklia limanının tikintisinə başlanılacaq
İqtisadiyyat Nazirliyinə 150 milyon lari ayrılacaq və ümumi büdcə 800 milyon lariyə qədər olacaq.
InterPress.ge xəbər verir ki, bu barədə Gürcüstanın baş naziri İrakli Qaribaşvili hökumətin iclasında bildirib.
Baş nazirin sözlərinə görə, Anaklia limanının tikintisinə ümumilikdə 70 milyon lari ayrılacaq.
"Müqayisə üçün deyim ki, 2012-ci illə müqayisədə büdcə 326 milyon lari artıb. Burada sizə vacib xəbərləri çatdırmaq istəyirəm. Anaklia limanının tikintisinə ümumilikdə 70 milyon lari ayrılacaq. 2024-cü ildə 50 milyon lari yatırılacaq və bu il artıq 20 milyon lari ayrılıb. Biz artıq lazımi vəsaiti səfərbər etmişik, belə bir plana əsasən, yazda tikintiyə başlanılacaq. Hazırda investorun seçimi də fəal şəkildə davam edir, bu yaxınlarda başa çatacaq, ən geci dekabr-yanvar aylarında qalib investoru elan edəcəyik və 2024-cü ilin mart-aprel aylarında Anaklia limanının tikintisinə başlayacağıq. Təxminən belə bir plan var" - baş nazir deyib.
