Mixeil Saakaşvilinin 7 noyabr işi üzrə məhkəmə prosesi davam edir

Tbilisi Şəhər Məhkəməsində Gürcüstanın keçmiş prezidenti Mixeil Saakaşvili və onunla birgə 7 noyabr işi üzrə təqsirləndirilən sabiq yüksək vəzifəli şəxslərin məhkəməsi davam edir.

InterPress.ge xəbər verir ki, Saakaşvili məhkəmə prosesində uzaqdan iştirak edir.

Bugünkü prosesdə ittiham tərəfinin dəlilləri, xüsusilə, 7 noyabr basqının video görüntüləri araşdırılacaq.

Məlumat üçün bildirək ki, 2007-ci il 7 noyabr işi etirazçıların kütləvi dağıdılmasına, “İmedi” teleşirkətinə basqın edilməsinə və Badri Patarkatsişviliyə məxsus əmlakın cinayət yolu ilə ələ keçirilməsinə aiddir.