Entoni Blinken və Mahmud Abbas İordan çayının qərb sahilində sülh və sabitliyin bərpası məsələsini müzakirə ediblər
ABŞ dövlət katibi Entoni Blinken Fələstin lideri Mahmud Abbas ilə görüşündə Birləşmiş Ştatların Qəzzaya humanitar yardım göndərmək və əsas ehtiyaclar üçün xidmətlərin bərpasına sadiq olduğunu təsdiqləyib.
InterPress.ge xəbər verir ki, bu barədə ABŞ Dövlət Departamentinin sözçüsü Metyu Miller bildirib.
Onun sözlərinə görə, Blinken və Abbas "Fələstinlilərə qarşı ekstremist zorakılığın dayandırılması və günahkarların məsuliyyətə cəlb edilməsi zərurəti" də daxil olmaqla İordan çayının qərb sahilində sülh və sabitliyin bərpası səylərini müzakirə ediblər.
Metyu Millerin sözlərinə görə, Blinken ABŞ-ın fələstinlilər və israillilərin ləyaqətini və təhlükəsizliyini təmin etmək üçün bərabər tədbirlərə sadiq qaldığını bir daha vurğulayıb.
Blinken həmçinin ABŞ-ın “Fələstin dövlətinin yaradılması ilə bağlı fələstinlilərin qanuni istəklərini həyata keçirmək üçün” çalışmaq öhdəliyini ifadə edib.
Xatırladaq ki, ABŞ dövlət katibi Entoni Blinken bu gün İordan çayının qərb sahilinin Ramallah şəhərində Fələstin prezidenti Mahmud Abbasla görüşüb.
