Rusiya işğalçı qüvvələri tərəfindən açılan atəş nəticəsində Gürcüstan vətəndaşı həlak olub

Rusiya işğalçı qüvvələrinin açdığı atəş nəticəsində Gürcüstan vətəndaşı həlak olub.

InterPress.ge xəbər verir ki, məlumatı Dövlət Təhlükəsizlik Xidməti  yayıb.

Agentliyin məlumatına görə, Rusiya işğalçı qüvvələri daha bir Gürcüstan vətəndaşını qanunsuz olaraq saxlayıb.

“2023-cü il noyabrın 6-da Qori bələdiyyəsinin Kirbali kəndi yaxınlığındakı işğal olunmuş ərazidə yerli sakini qanunsuz olaraq saxlamağa  cəhd zamanı Rusiya işğalçı qüvvələrinin açdığı atəş nəticəsində Gürcüstan vətəndaşı həlak olub, bir vətəndaş isə qanunsuz olaraq saxlanılıb.
Gürcüstanın Mərkəzi Hökumətində mövcud olan bütün vasitələrdən istifadə etməklə aktiv kommunikasiya aparılır” -  DTX-nin  yaydığı məlumatda bildirilib.