Rustavidə içərisində gəlin və bəyin olduğu avtomobil piyadanı vurub

Rustavidə, Meqobroba prospektində yol qəzası olub.

InterPress.ge xəbər verir ki, bəy və gəlinin olduğu “Mercedes” Maybach modelli avtomobil piyadanı vurub.

Təcili yardım briqadası yaralıları şəhər mərkəzi xəstəxanasına çatdırıb. Tibb müəssisəsinin təcili yardım şöbəsinin müdiri Tea Gelaşvilinin verdiyi məlumata görə, onların həyatı üçün təhlükə yoxdur, vəziyyətləri stabildir.

Hadisə yerinə patrul polisinin ekipajı səfərbər edilib.

Evakuator bahalı avtomobili dayanacağa aparıb. Cütlük toya alternativ avtomobillə getməli olub.

Hadisə ilə bağlı araşdırmalara başlanılıb.