CEAC 10 təşəbbüsünü və tövsiyəsini təqdim edib

Marneuli Bələdiyyəsinin 2024-cü il büdcə layihəsinin ictimai müzakirəsi keçirilib.

InterPress.ge xəbər verir ki, Maliyyə-büdcə xidmətinin rəhbəri Koba Çxitunidzenin təqdim etdiyi 2024-cü ilin büdcə layihəsinin təqdimatından sonra ictimai görüş sual-cavab rejimində keçirilib.

Bundan əlavə, Vətəndaş İştirakı və Fəaliyyət Mərkəzinin (CEAC) direktoru Rəşan Ziyadəliyev mərkəzin hazırladığı təşəbbüsləri təqdimat şəklində auditoriyaya təqdim edib.

Görüşdə bələdiyyə başçıları, Meriya və Bələdiyyə Şurasının, Bələdiyyənin Gender Bərabərliyi Şurasının, qeyri-hökumət sektorunun, yerli KİV-lərin nümayəndələri və mövzu ilə maraqlanan vətəndaşlar iştirak ediblər.