Georgian Airways dekabrın 10-dan Tbilisi ilə Sankt-Peterburq arasında uçuşlara başlayır

Gürcüstanın "Georgian Airways" aviaşirkəti dekabrın 10-dan Tbilisi ilə Sankt-Peterburq arasında birbaşa uçuşlara başlayacaq.

InterPress.ge xəbər verir ki, məlumatı Sankt-Peterburq "Pulkovo" hava limanının operatoru yayıb.

Tbilisi ilə Sankt-Peterburq arasında uçuşlar həftədə iki dəfə, hər çərşənbə və bazar günləri yerinə yetiriləcək.

Qeyd edək ki, Rusiyanın "Red Wings" aviaşirkəti Sankt-Peterburqdan Tbilisi və Kutaisiyə uçuşlar həyata keçirir.

Məlum olduğu kimi, 2023-cü il mayın 10-da Rusiya prezidenti Vladimir Putin Rusiya Federasiyası ərazisindən Gürcüstan ərazisinə hava nəqliyyatını qadağan edən 21 iyun 2019-cu il tarixli fərmanını ləğv edib. Turist paketlərinin satışına qoyulan qadağa da aradan qaldırılıb.