Rusiyaya gedən yol yüngül avtomobillər üçün açılıb

Təmizləmə işləri nəticəsində beynəlxalq əhəmiyyətli Mtsxeta-Stefantsminda-Larsi avtomobil yolunun Qudauri -Kobi hissəsində yüngül avtomobillərin hərəkəti bərpa olunub.

InterPress.ge xəbər verir ki, məlumatı Avtomobil Yolları Departamenti yayıb.

Qurumdan verilən məlumata görə, qar və aşağı temperatur səbəbindən qoşqulu və yarımqoşqulu nəqliyyat vasitələrinin hərəkəti qadağan edilib.

Milli Ətraf Mühit Agentliyinin məlumatına görə, Qudauri-Kobi hissəsində nəqliyyatın hərəkəti dayanmadan, yalnız uçqun tunelləri vasitəsilə həyata keçiriləcək.

Qeyd olunan rejimdə hərəkət patrul polisinin bilavasitə nəzarəti və koordinasiyası ilə həyata keçiriləcək.