Kaxetidə meşədə yanğın baş verib

Tuşetiyə gedən yolda, Telavi bələdiyyəsinin Leçuri meşəsində yanğın baş verib.

InterPress.ge xəbər verir ki, yanğın yaşayış məntəqəsindən bir neçə kilometr aralıda baş verib.

Artıq fəlakət bölgəsində görüləcək işlərə canlı qüvvə cəlb olunub. Onlarla yanğınsöndürən və xilasedici hələ də işləyir, lakin yanğın hələ lokallaşdırılmayıb.

Yanğının söndürülməsi prosesində yerli sakinlər də yanğınsöndürənlərə və xilasedicilərə kömək edirlər.

Ötən gün tüstü çıxdığını görən yerli sakinlər müvafiq xidmətlərə məlumat veriblər. Hələlik yanğının miqyası müəyyən edilməyib.