Qardabanidə atasını öldürməkdə təqsirləndirilən gənc azadlığa buraxıldı

Qardabanidə atasını öldürməkdə təqsirləndirilən Kaxa Kobaxidze təqsirli bilinməyib.

InterPress.ge xəbər verir ki, bu barədə onun vəkili məlumat yayıb.

Söhbət may ayında Qardabanidə 21 yaşlı gəncin atasını qətlə yetirməsindən gedir. Ailə üzvləri bildiriblər ki, qətlə yetirilən şəxs sistematik şəkildə içki qəbul edib və sərxoş vəziyyətdə həyat yoldaşına və ailəsinə zorakılıq tətbiq edib, onları öldürməklə hədələyib.

Jurnalistlərə açıqlama verən həyat yoldaşı qətl günü ərinin yenə də sərxoş vəziyyətdə olduğunu, oğlunun isə özünü qorumağa məcbur olduğunu bildirib.

Andlılar kollegiyasının bəraət hökmündən sonra 21 yaşlı gənc Rustavi şəhər məhkəməsinin zalından buraxılıb.