Rustavidə, 21-ci mikrorayonda, Kutaisi küçəsində baş verən qəza itki ilə başa çatıb.
InterPress.ge xəbər verir ki, “Mercedes” markalı yüngül avtomobilin sürücüsü sükanı idarə edə bilməyib və yolun hərəkət hissəsindən çıxaraq işıq dirəyinə çırpılıb.
Qəza nəticəsində 25 yaşlı oğlan yerindəcə ölüb, bir sərnişin isə xəsarət alıb.
Təcili yardım briqadası yaralı şəxsi “Rustavi” klinikasına çatdırıb. Onun səhhəti orta ağır qiymətləndirilir.
Hadisə yerinə patrul və kriminal polis qrupları səfərbər edilib.
