Əlverişsiz hava şəraiti ilə əlaqədar magistral yolların müəyyən hissələrində məhdudiyyətlər yaranıb.
InterPress.ge xəbər verir ki, bu barədə Gürcüstanın Avtomobil Yolları Departamentinin məlumatında deyilir.
Qar və buzla əlaqədar daxili əhəmiyyətli Qomi-Saçxere-Çiatura-Zestafoni avtomobil yolunda qoşqulu və yarımqoşqulu avtonəqliyyat vasitələrinin hərəkəti qadağan edilib, digər növ avtonəqliyyat vasitələrinin hərəkəti sərbəstdir.
Güclü qar və buzla əlaqədar beynəlxalq əhəmiyyətli Xaşuri-Axaltsixe-Vale və Axaltsixe-Ninotsminda avtomobil yollarında qoşqu, yarımqoşqu və 30 nəfərdən çox tutuma malik olan avtobusların hərəkəti qadağandır, digər növ avtonəqliyyat vasitələrinin hərəkəti isə sərbəstdir.
Həmçinin daxili əhəmiyyətli Zuqdidi-Cvari-Mestiya-Lasdili avtomobil yolunun km70 - km185 hissəsində (Xaişi-Uşquli) qoşqu, yarımqoşqu və 30 nəfərdən çox tutuma malik olan avtobusların hərəkəti qadağan edilib, km90-km185 (Dizi-Uşquli) hissəsində isə sürüşməyə qarşı zəncirlərdən istifadə etməklə yüngül avtomobillərin hərəkətinə icazə verilir.
Magistral yolun km 1-km 70 (Zuqdidi-Xaişi) hissəsində nəqliyyatın hərəkəti sərbəstdir.
