Mixeil Saakaşvili 2024-cü ilin Gürcüstanın taleyi üçün həlledici bir il olacağını bildirib

"Əzizlərim, sizi Yeni il və Milad bayramı münasibətilə təbrik edirəm".

InterPress.ge xəbər verir ki, bu barədə Gürcüstanın üçüncü prezidenti Mixeil Saakaşvili sosial şəbəkədə dərc olunan məktubunda yazıb.

Saakaşvilinin sözlərinə görə, 2024-cü il Gürcüstan üçün həlledici olacaq.

 “Əzizlərim, Yeni iliniz və Milad bayramınız mübarək. Sizi çox sevirəm, sizin sevginiz məni bura gətirdi. 2024-cü il Gürcüstanın taleyi üçün həlledici olacaq. Siz mənə güvənməlisiniz, mən də sizə güvənirəm. Öz gücünüzə sona kimi inanmalısınız və bir vaxtlar Avropa məsələsində bizə qələbə gətirən bu inam nəhayət 2024-cü ildə bizi qalib edəcək. Sizi sevirəm”, - Mixeil Saakaşvili yazıb.