Vətəndaş polisi ona zorakılıq tətbiq etməkdə ittiham edir

Qoridə vətəndaş polisi ona zorakılıq tətbiq etməkdə ittiham edir.

InterPress.ge xəbər verir ki, Xüsusi İstintaq Xidməti faktla bağlı araşdırmalara başlayıb.

39 yaşlı Serqo Biçinov deyir ki, xırda xuliqanlıq etdiyinə görə tutularaq polis bölməsinə aparılarkən polis ona vəhşicəsinə hücum edib.

Onun sözlərinə görə, “Coğoviç” ləqəbli polis əməkdaşlarından biri onun başına zərbələr endirir, üzünə tüpürür və həyatı ilə hədələyirdi. İstintaq Xidmətinin nümayəndələri artıq zorakılıq qurbanı olduğu iddia edilən şəxslə görüşüb və onu dindiriblər.

Faktla bağlı Cinayət Məcəlləsinin hüquq-mühafizə orqanlarının əməkdaşlarının səlahiyyət həddini aşmasını nəzərdə tutan 333-cü maddəsi ilə istintaq aparılır.