Bu gün Nikol Paşinyan Gürcüstana gələcək

Bu gün Ermənistan Respublikasının baş naziri Nikol Paşinyan Gürcüstana işgüzar səfərə gələcək.

InterPress.ge xəbər verir ki, bu barədə hökumət administrasiyası məlumat yayıb.

Qurumun məlumatına görə, onu baş nazir İrakli Qaribaşvili qəbul edəcək. 

Saat 17:00-da Gürcüstan və Ermənistan baş nazirlərinin mətbuata birgə bəyanatları olacaq.

 “Səfər çərçivəsində Gürcüstanın baş naziri İrakli Qaribaşvili ilə Ermənistanın baş naziri Nikol Paşinyan arasında təkbətək görüş planlaşdırılır, bundan sonra Gürcüstan-Ermənistan Hökumətlərarası İqtisadi Komissiyasının iclası keçiriləcək”, - hökumət administrasiyasının yaydığı məlumatda deyilir.