Marneulidə bərpa olunan körpü bu tarixdən açılır

Marneuli şəhərinin Rustaveli küçəsində Durmuşxan Mağalaşvili adına körpünün infrastrukturunun abadlaşdırılması yekun mərhələsinə çatıb.

Bu barədə Marneuli meriyasının mətbuat xidmətindən InterPress.ge-yə məlumat verilib. 

Bildirilir ki, körpünün bərpasından sonra, yolun gediş hissəsinin asfaltlaşdırılması aktiv şəkildə davam etdirilir.

Körpüdə nəqliyyatın hərəkəti bazar ertəsi, fevralın 5-də tam bərpa olunacaq.

Qeyd edək ki, reabilitasiya layihəsi çərçivəsində, körpünün altındakı infrastruktur da abadlaşdırılacaq.