Zuqdidi Rayon Məhkəməsi narkotik cinayətlərinə görə saxlanılan ər və arvad barəsində həbs qətimkan tədbiri seçib.
InterPress.ge xəbər verir ki, onlar Rusiya və Ukraynanın ikili vətəndaşıdır və 4 gün əvvəl Lars gömrük-keçid məntəqəsindən Gürcüstana daxil olublar.
Saxlanılma zamanı polis külli miqdarda narkotik vasitə olan “metadon”u bükülmüş vəziyyətdə götürüb. Onların narkotiki sərhəddən necə keçirə bildikləri məlum deyil.
Polis ümumilikdə 4 əcnəbi vətəndaşı saxlayıb. Qabaqcadan əlbir olan qrup tərəfindən qanunsuz olaraq külli miqdarda narkotik vasitələri, habelə külli miqdarda psixotrop maddələri əldə etmək və saxlamaq ittihamı ilə saxlanılıblar: 1994-cü il təvəllüdlü X.V., 1971-ci il təvəllüdlü İ.B. və 1972-ci il təvəllüdlü B.B. Qanunsuz olaraq narkotik vasitələrin alınması, saxlanması və Gürcüstana qeyri-qanuni gətirilməsi ittihamı ilə 1995-ci il təvəllüdlü P.K. saxlanılıb.
İstintaq Gürcüstan Cinayət Məcəlləsinin 260, 261 və 262-ci maddələri ilə aparılır.
