XİN başçısı: Gürcüstan və Azərbaycanın baş nazirləri görüşdə ikitərəfli əlaqələrdən danışıblar

Gürcüstanın baş naziri İrakli Kobaxidze və Azərbaycan Respublikasının baş naziri Əli Əsədov görüşdə ikitərəfli münasibətləri müzakirə ediblər.

InterPress.ge xəbər verir ki, bu barədə Gürcüstanın xarici işlər naziri İlya Darçiaşvili məlumat verib.

Darçiaşvili qeyd edib ki, Gürcüstan və Azərbaycan tərəfləri münasibətlərin daha da dərinləşməsində və möhkəmlənməsində maraqlıdırlar.

"Bu gün Gürcüstanın baş naziri İrakli Kobaxidzenin Azərbaycan Respublikasına ilk rəsmi səfəri başlayıb. İki baş nazir arasında ilk görüş Bakıda keçirilib. Əli Əsədovla görüşdə iki strateji tərəfdaş ölkə arasında mövcud olan fövqəladə ikitərəfli münasibətlərə toxunulub. Görüşdə əsas vurğu ondan ibarət olub ki, həm Gürcüstan tərəfi, həm də Azərbaycan tərəfi bu münasibətlərin dərinləşməsində və möhkəmlənməsində maraqlıdır. Əsas diqqət, əlbəttə ki, gələcəyə yönələcək ki, biz bir çox regional layihələri birgə həyata keçirək ki, bugünkü dünyada yeni, mühüm rola malik olan regionumuz indiki şəraitdə daha da səmərəli ola bilsin, Şərqlə Qərbi təbii və effektiv şəkildə əlaqələndirə bilsin",- deyə nazir bəyan edib.