Saakaşvili hökuməti soyqırımda ittiham edib
"Mən hakimiyyəti gürcü xalqına qarşı soyqırımda ittiham edirəm, İvanişvilini şüurlu şəkildə gürcü xalqını məhv etmək və ayırmaq cəhdində ittiham edirəm".
InterPress.ge xəbər verir ki, bu barədə Gürcüstanın keçmiş prezidenti Mixail Saakaşvili şəhər məhkəməsində davam edən prosesdə uzaqdan iştirak edərkən bildirib.
O, cəmiyyəti maksimum aktiv və fəal olmağa çağırıb, çünki Saakaşvilinin qeyd etdiyinə görə, indiki hakimiyyət seçkilərdə məğlub olmasa, gələcəkdə Gürcüstanın özü və azad seçkilər olmaya bilər.
“Torpaqlarımızın 50%-i əkilməyib, bu, məhsulların bahalaşması deməkdir. Niyə əkilməyib? Çünki yanacağın qiyməti qalxıb. Yanacağın qiyməti niyə artdı? Çünki Rusiya qiyməti qaldırdı. Yeri gəlmişkən, əsas narkotik idxalçıları ruslardır. Siyasətimiz ondan ibarət idi ki, biz heç bir ölkəyə bağlanmayaq - harda ucuzdusa, biz oradan alırdıq, Rusiya ilə korrupsiya sövdələşməsinə girə bildikləri üçün Rusiyaya bağlanırlar. Mən hakimiyyəti gürcü xalqına qarşı soyqırımda ittiham edirəm, İvanişvilini şüurlu şəkildə gürcü xalqını məhv etmək və ayırmaq cəhdində ittiham edirəm. Gürcüstan sükan arxasında adam olan maşındır, onu uçuruma doğru itələyib gedir, gürcü xalqı isə baqajda hardasa kilidlənib. Biz gürcü xalqına öz milli avtomobilinin sükanı arxasına oturmaq fürsətini geri verməliyik və onları maşından atıb göndərməliyilk. Mafiozlar, bir qayda olaraq, insanların fəallığından və fəaliyyətindən qorxurlar ki, bu da dəfələrlə sübuta yetirilib - bu, ötən ilin martında Avropa ilə bağlı hadisələrlə bağlı sübuta yetirilib. Biz mütləq qalib gələcəyik, mütləq aktiv olacağıq, taleyin çarxını mütləq alt-üst edəcəyik".
