İki məktəbə partlayıcı qurğu yerləşdirildiyinə dair yalan məlumat yayılıb

Batumidəki “Proqres” özəl məktəbində heç bir partlayıcı maddə aşkar edilməyib.

InterPress.ge xəbər verir ki, kinoloqlar və hüquq-mühafizə orqanlarının əməkdaşları əraziyə baxış keçiriblər.

E-poçt vasitəsilə məktəbə partlayıcı qurğu ilə bağlı yalan məlumat göndərilib. Məlumatı kimin göndərdiyi isə hələ müəyyən edilməyib.

Sabahdan məktəbdə tədris prosesi bərpa olunacaq. Həmin vaxta qədər şagirdlər binadan təxliyə edilib.

Xatırladaq ki, həmin məktəbin Kutaisi filialına da partlayıcı qurğu ilə bağlı yalan məlumat daxil olub.