Sahibkardan hədə-qorxu ilə pul tələb edən şəxs saxlanılıb

Əvvəllər dəfələrlə məhkum olunmuş, hazırda şərti cəza çəkən 1989-cu il təvəllüdlü V.K. hədə-qorxu ilə pul tələb etməkdə ittiham edilərək saxlanılıb.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

İstintaq müəyyən edib ki, təqsirləndirilən şəxs öz kriminal səlahiyyətlərindən istifadə edərək Çiatura bələdiyyəsində yaşayan sahibkar Ş.G.-dən sistemli şəkildə müxtəlif məbləğlərdə pul tələb edib. 

Bu ilin mart ayında təqsirləndirilən şəxs yenidən sahibkardan müəyyən məbləğdə pul tələb edib və rədd cavabı aldıqdan sonra Ş.G-ni hədələyib. 

Hədə-qorxu ilə tələb etmə faktı üzrə Cinayət Məcəlləsinin 181-ci maddəsinin 1-ci hissəsi ilə istintaq aparılır.