Baş verən yol qəzasında ana və oğlu xəsarət alıb

Xobi bələdiyyəsinin Çaladidi kəndində baş verən yol qəzası nəticəsində 2 nəfər xəsarət alıb.
 

InterPress.ge xəbər verir ki, xəsarət alanlar ana və  oğludur. 

Əldə olan məlumata görə, avtomobilin sürücüsü sükanın idarəetməsini itirərək yolun hərəkət hissəsindən çıxıb və daha sonra ağaca çırpılıb.

Hadisə nəticəsində yaralılar təcili tibbi yardım briqadası tərəfindən klinikaya aparılıb. Həkimlərin sözlərinə görə, gəncin vəziyyəti ağır, qadının vəziyyəti isə orta ağırdır.