Zuqdididəki qətlin bəzi təfərrüatları məlum olub

Zuqdididəki qətllə bağlı bəzi təfərrüatlar məlum olur.

InterPress.ge xəbər verir ki, yerli sakinin sözlərinə görə, hücum edənlər sübh çağı Abxaziyadan didərgin düşmüş Cimşeli əhalisini qarət etməyə cəhd ediblər.
 

Onun sözlərinə görə, ər və arvad onlara müqavimət göstərib, nəticədə 70 yaşlarında olan qadın ölüb, ər isə yaralanıb. Həmin şəxs xəstəxanaya çatdırılaraq reanimasiya şöbəsinə yerləşdirilib.

Mövcud məlumatlara görə, yaralı şəxsin vəziyyəti ağırdır. 

Hazırda əməliyyat-axtarış tədbirləri davam etdirilir. Hüquq-mühafizə orqanlarının əməkdaşları hücum edənləri axtarır.
Faktla bağlı Cinayət Məcəlləsinin 19-109-cu maddəsi ilə istintaq başlayıb.