İrakli Qaribaşvili Böyük Britaniyanın Gürcüstandakı fövqəladə və səlahiyyətli səfiri Mark Kleyton ilə görüşüb

“Gürcü Arzusu”nun sədri İrakli Qaribaşvili Böyük Britaniyanın Gürcüstandakı fövqəladə və səlahiyyətli səfiri Mark Kleyton ilə görüşüb.

InterPress.ge xəbər verir ki, görüşdə Gürcüstan və Böyük Britaniya arasında strateji tərəfdaşlıq və əməkdaşlıq sazişi çərçivəsində ikitərəfli və çoxtərəfli formatlarda uğurlu əməkdaşlıqdan söhbət açılıb, tərəfdaşlığın daha da möhkəmləndirilməsi məsələləri müzakirə olunub.

Böyük Britaniyanın dövlət institutlarının möhkəmlənməsinə və ölkənin demokratik inkişafına mühüm töhfəsi vurğulanıb.

Görüşdə Gürcüstanda cərəyan edən siyasi proseslər, o cümlədən regionda və dünyada təhlükəsizlik məsələləri və çağırışlar barədə danışılıb.