Marneulidə aksiya başladı

Marneulidə "Xarici təsirin şəffaflığı haqqında" qanun layihəsinə etiraz əlaməti olaraq aksiya keçirilir.

InterPress.ge xəbər verir ki, dinc aksiya Marneulidə stadionun yanından başlayıb və Meriya qarşısına qədər davam edəcək.

Etirazçılar əllərində "rus qanununa yox!", "Avropaya bəli, Rusiyaya yox" və s. yazılı pankart qaldırıblar.

Məlumat üçün bildirək ki, qanun layihəsi qəbul olunarsa, “xarici dövlətin maraqlarını həyata keçirən təşkilat” hesab edilən hər bir təşkilat eyni adlı məlumat bazasında dövlət reyestrində qeydiyyatdan keçməli olacaq. Qeydiyyat zamanı alınan gəliri əks etdirmək lazım gələcək. Eyni zamanda, təşkilatların hər il maliyyə bəyannaməsini doldurmaq öhdəliyi olacaq.