"Rus qanunu"na qarşı keçirilən aksiya bu gün də davam edəcək

“Xarici təsirin şəffaflığı haqqında” qanun layihəsinə qarşı aksiya aprelin 20-də, saat 19:00-da davam edəcək.

InterPress.ge xəbər verir ki, bu barədə paytaxtın əsas prospektinə toplaşan vətəndaşlar çıxışı zamanı məlumat veriblər.

Rus qanununa qarşı birləşən xalq “Gürcü Arzusu”ndan qanun layihəsini yenidən geri götürməyi tələb edir.

Toplananlar hesab edir ki, “Xarici təsirin şəffaflığı haqqında” qanun layihəsi ilə bağlı maarifləndirmə işi aparılmalıdır və bunun nə qədər təhlükə olduğu bildirilir.

Xatırladırıq ki, “Agentlər haqqında” qanun aprelin 17-də birinci oxunuşda təsdiq edilib.