ABŞ senatoru: ABŞ-ın Vladimir Putinə mesajı: Şampan şərabını açmaq üçün hələ tezdir

ABŞ-ın “demokrat” senatoru Riçard Blumental Nümayəndələr Palatasının Ukrayna, İsrail və Tayvana xarici yardımı təsdiqləməsini alqışlayır və bunun dünya diktatorlarına bir mesaj olduğunu deyir.

InterPress.ge xəbər verir ki, bununla bağlı o açıqlama verib.

“Düşünürəm ki, Amerika yenidən hücuma keçib və bu, bizim milli təhlükəsizliyimiz üçün ikitərəfli birləşə biləcəyimizə və Vladimir Putinə, Si Cinpinə, dünyanın diktatorlarına mesaj göndərə biləcəyimizə işarədir – şampan şərabını açmaq üçün hələ tezdir, Amerika demokratiyanı müdafiə etməyə hazırlaşır”, - senator qeyd edib.

Onun sözlərinə görə, ABŞ öz müttəfiqlərini qoruya bilər.

 “Biz lazımi artilleriya mərmiləri, uzaq mənzilli artilleriya, zərbə silahları istehsal edə bilərik. Biz həmçinin sanksiyalardan istifadə edə, Ukraynaya daha çox resurs vermək üçün Rusiyanın aktivlərini müsadirə edə bilərik”, - senator bildirib.