Kaxa Kaladze: Ölkədə zorakılığa təşviq edən şəxs məhz prezidentdir”

"Ölkədə zorakılığa təşviq edən məhz prezidentdir"

InterPress.ge xəbər verir ki, “Gürcü arzusu”nun baş katibi Kaxa Kaladze jurnalistlərə açıqlamasında belə deyib.

Kaxa Kaladzenin sözlərinə görə, prezidentin Lazare Qriqoriadisi əfv etməsi zorakılığın təşviq edildiyini göstərir.

“Prezidentə gəlincə, o, zorakılığa ruhlandıran adamdır və onun əfvlə bağlı atdığı addım zorakılığın təşviq edildiyini göstərir. "Prezident məhz ölkədə zorakılığı təbliğ edən şəxsdir", - Kaladze bildirib.

Məlumat üçün bildirək ki, Gürcüstan prezidenti Salome Zurabişvili Lazare Qriqoriadisi əfv edib, nəticədə 2023-cü ilin mart etirazları zamanı həbs olunan Qriqoriadis həbsxananı tərk edib.