Gürcüstan futbol komandasının çempionatda iştirakı üçün mükafat 3 milyon lariyə yüksələcək

Gürcüstan futbol komandasının çempionatda iştirakı üçün mükafat 850 min laridən 3 milyon lariyə yüksələcək.

İnterpress.ge xəbər verir ki, bu barədə İrakli Kobaxidze hökumətin iclasında çıxışı zamanı bildirib.

Baş nazirin sözlərinə görə, sözügedən qərar Mədəniyyət və İdman Nazirliyi ilə birgə qəbul edilib.

“Bildiyiniz kimi, çempionata yollanmaq üçün milli komandaya standart olaraq 850 min lari bonus verilir. Biz Mədəniyyət və İdman Nazirliyi ilə müzakirə etdik və mükafatı 3 milyon lariyə qədər artırmaq qərarına gəldik. Milli komandaya 3 milyon lari ayrılacaq. Bu gün bu fərmana baxılacaq və biz sizin dəstəyinizə ümid edirik”, - deyə Kobaxidze bildirib.