Prezident: Pensiya fondu ilə bağlı çox zərərli qanun hazırlanır

Gürcüstan prezidenti Gürcü Xartiyasını imzalayanlarla görüşdə rus qanununa görə kifayət qədər diqqət yetirilməyən qanunlardan danışıb.

InterPress.ge xəbər verir ki, Salome Zurabişvili ofşor qanunu, eləcə də seçki qanunvericiliyinə dəyişikliklərə diqqət yetirib.

O, hökumətin pensiya fondu ilə bağlı zərərli qanun hazırladığını da qeyd edib: 

"Pensiya fondu ilə bağlı çox zərərli qanun hazırlanır. Bu, bir az daha texniki və mürəkkəbdir, amma bu “Gürcü Arzusu”nun bu ölkədə ən böyük nailiyyətlərindən biridir ki, pensiya fondu yaradıb, amma indi baş verənlər pensiya fondunun hökumətin əlinə keçməsidir və çox təhlükəli istiqamətdir”, - prezident bildirib.