ABŞ Konqresində Gürcüstanla bağlı dinləmə keçiriləcək

Bu gün ABŞ Konqresində Gürcüstanla bağlı dinləmə keçiriləcək.

InterPress.ge xəbər verir ki, iclas Tbilisi vaxtı ilə saat 10-da başlayacaq və təşəbbüskarı Helsinki Komissiyasıdır.

Məlumata görə, müzakirə zamanı Gürcüstandakı mövcud vəziyyət və Rusiya qanunlarından irəli gələn təhlükələrə toxunulacaq. 

Dinləmədə ABŞ-ın Gürcüstandakı keçmiş səfiri Uilyam Kortni, Gürcüstanın Avropa İttifaqındakı keçmiş səfiri Nataliya Sabanadze və Açıq Cəmiyyət Fondunun Avropaya inteqrasiya proqramı üzrə meneceri Vano Çxikvadze iştirak edəcək. Onlar konqresmenlərə Gürcüstandakı mövcud vəziyyətlə bağlı ətraflı hesabat təqdim edəcək və Rus qanunlarının gözlənilən nəticələrindən danışacaqlar.