Kobaxidze Danimarkanın baş nazirinə hücumu pisləyib

Gürcüstanın baş naziri İrakli Kobaxidze Danimarkanın baş naziri Mette Frederiksenə hücumu pisləyib.

InterPress.ge xəbər verir ki, Baş nazir bu barədə sosial şəbəkədə yazıb.

Onun sözlərinə görə, siyasətdə zorakılıq qəbuledilməzdir və sivil dünyada yeri yoxdur.

“Danimarkanın baş naziri Mette Frederiksenə qarşı rüsvayçı hücumu qəti şəkildə pisləyirəm. Siyasətdə zorakılığın tətbiqi yolverilməzdir və sivil dünyada yeri yoxdur. Baş nazir Frederiksenə cansağlığı arzulayıram”. – Kobaxidze deyir.

Dünən məlum olub ki, Danimarkanın baş naziri Mette Frederikseni Kopenhagendə bir nəfər döyüb. Danimarka mediasının məlumatına görə, hücum edən şəxs həbs edilib.